...සැනසෙනා අයුරු මට, කියා දෙන් සොඳුරියේ...
නොනැවතී ඇද වැටෙන පොද වැස්සෙ දිය වෙමින්
නෙත් පුරා ගලා යන කඳුළු යයි සැඟ වෙමින්
ගෙවෙන මුළු දිවියට ම පුරුදු වුණු තනි කමින්
සදා කල් බලා ඉමි මා සිත ම රවටමින්...
රාත්‍රිය ගෙවී යයි සිතුවිල්ලෙ නියැලෙමින්
දකින සිහිනයෙ පවා ඔබ හිඳී හිනැහෙමින්
නිදි වරන සිත කොනෙක යළි යළිත් ඇවිලෙමින්
ඔබ දුන්න විරහ ගිනි තිබේ හද රිදවමින්...
සැනසෙන්නෙ කොහොම මං ඔබ නැතුව මේ ලොවේ
කෙසේ පා නඟන්න ද ඔබ නොමැති දිවි මඟේ
හැර දමා ගියා සේ මොහොතකින් මගෙ සෙනේ
සැනසෙනා අයුරු මට, කියා දෙන් සොඳුරියේ...
ලකී ධනංජය
2021.11.07
0 comments:
Post a Comment