නව වසරක් එළඹීලා
තුන් දවසක් ගෙවුණු තැනේ
හරි අපූරු සිදුවීමක්
සිදුවුණු බව කණ වැ‍ටුණේ
තුන් දවසක් ගෙවුණු තැනේ
හරි අපූරු සිදුවීමක්
සිදුවුණු බව කණ වැ‍ටුණේ
දකුණු ලකේ ආරම්භය
බෙන්තර ගඟ ඉස්මත්තේ
මුළු රට වට පරසිඳු
ඉලස්ටෝව එහි ඇත්තේ
බෙන්තර ගඟ ඉස්මත්තේ
මුළු රට වට පරසිඳු
ඉලස්ටෝව එහි ඇත්තේ
පසුගිය ජනවාරි මාසෙ
තුන් වැනිදා ආයතනේ
නව වසරට අසිරි පතා
පින්කම් සැම පැවතෙන්නේ
තුන් වැනිදා ආයතනේ
නව වසරට අසිරි පතා
පින්කම් සැම පැවතෙන්නේ
පංච මහා වෙහෙර වලින්
එකකුයි අල්ලපු වත්තේ
බෝ පුදයට සැරසී සැම
බෙම් වෙහෙරට පිය මැන්නේ
එකකුයි අල්ලපු වත්තේ
බෝ පුදයට සැරසී සැම
බෙම් වෙහෙරට පිය මැන්නේ
ආයතනයෙ අධිපතිඳුන්
ඇතුළු සැමට සුවය පතා
හද බැතියෙන් බෝ සමිඳුන්
පිරිත් පැනින් නහවාලා
ඇතුළු සැමට සුවය පතා
හද බැතියෙන් බෝ සමිඳුන්
පිරිත් පැනින් නහවාලා
ආයතනය දියුණු වන්න
සේවක හැම රැක දෙවන්න
පිං ඇති බෝ සමිඳුනි ඔබ
අසිරි දෙවා පිහිට වන්න
සේවක හැම රැක දෙවන්න
පිං ඇති බෝ සමිඳුනි ඔබ
අසිරි දෙවා පිහිට වන්න
බෝ පුද අවසන වැඳලා
බොහෝ දෙනෙක් පිටව ගියේ
හිත ඇති තව කිහිප දෙනෙක්
දෙව් පුදයට පිය නැඟුයේ
බොහෝ දෙනෙක් පිටව ගියේ
හිත ඇති තව කිහිප දෙනෙක්
දෙව් පුදයට පිය නැඟුයේ
දොළොස් අතින් දොළොස් නෙතින්
දිවැස් හෙළා වැඩ සිටින්න
කතරගමේ දෙවිඳු නමට
පුද පූජා සිදු කරන්න
දිවැස් හෙළා වැඩ සිටින්න
කතරගමේ දෙවිඳු නමට
පුද පූජා සිදු කරන්න
ආයතනෙට සෙත සදලා
සියළු දෙනා රැක දෙවන්න
සියළු දෙනා රැක දෙවන්න
සත් පත්තිනි දෙව් මෑණිට
පුද පඬුරුද කැප කරන්න
පුද පඬුරුද කැප කරන්න
ආයතනෙට රැකවරණයි
සියළු දෙනට ගන්න පිහිට
දමල ගහපු පොල් ගෙඩියත්
බිඳිල ගියා නේද දෙකට
සියළු දෙනට ගන්න පිහිට
දමල ගහපු පොල් ගෙඩියත්
බිඳිල ගියා නේද දෙකට
සියල්ල නිමවී අවසන
ආයතනය වෙත ආවා
පයින් යන්න කම්මැලිකම
හින්දා වාහන හෙව්වා
ආයතනය වෙත ආවා
පයින් යන්න කම්මැලිකම
හින්දා වාහන හෙව්වා
අනූ තුනයි අනූ පහයි
කිලෝ වලින් මැන්න බරට
දෙන්නෙක් යනවාලු ඔන්න
මෝටර් සයිකලේ හොඳට
කිලෝ වලින් මැන්න බරට
දෙන්නෙක් යනවාලු ඔන්න
මෝටර් සයිකලේ හොඳට
බර වැඩි හින්දා සයිකලෙ
ඉදිරි රෝදෙ එසවෙනවා
වීල් කරන්න ට සුදුසුම
පරිසරෙ බව වැටහෙනවා
ඉදිරි රෝදෙ එසවෙනවා
වීල් කරන්න ට සුදුසුම
පරිසරෙ බව වැටහෙනවා
පාර අයිනෙ පළමු වරට
උස්සල ඉස්සරහ රෝදෙ
ගැහුවා එක වීල් එකක්
අවුලක් නැහැ නොවෙද වෙන්නේ
උස්සල ඉස්සරහ රෝදෙ
ගැහුවා එක වීල් එකක්
අවුලක් නැහැ නොවෙද වෙන්නේ
පි‍ටුපස ආසනෙ මඟියා
බයවී බිම බහින කලට
"හා හා හිටපන්" කිව්වා
බලන් හිටපු එකෙක් අවට
බයවී බිම බහින කලට
"හා හා හිටපන්" කිව්වා
බලන් හිටපු එකෙක් අවට
දෙවෙනි වීල් එක ගහන්ට
දැම්මා වාහනෙ පාරට
මට සිලු‍ටුයි පාර පුරා
තාර දාල නිසා හොඳට
දැම්මා වාහනෙ පාරට
මට සිලු‍ටුයි පාර පුරා
තාර දාල නිසා හොඳට
වෙර අරගෙන රේස් කරල
ඉදිරි රෝදේ එසවූවේ
ඉදිරි ලාම්පුවේ එළිය
පොල් ගස මුදුනේ වැදුණේ
ඉදිරි රෝදේ එසවූවේ
ඉදිරි ලාම්පුවේ එළිය
පොල් ගස මුදුනේ වැදුණේ
සර බරාස් ඩෝං කියල
මහ සද්දයකුයි ඇසුණේ
පිටිපස්සේ සිටි මඟියා
බිමට ම පතබෑ වී තිබුණේ
මහ සද්දයකුයි ඇසුණේ
පිටිපස්සේ සිටි මඟියා
බිමට ම පතබෑ වී තිබුණේ
දනිපනි ගා වැ‍ටුණු සැනින්
මිනිහා නැඟිටලා අවේ
ඒ වුණාට වැ‍ටුණු විදිහ
කැමරා කාචයෙ තිබුණේ
මිනිහා නැඟිටලා අවේ
ඒ වුණාට වැ‍ටුණු විදිහ
කැමරා කාචයෙ තිබුණේ
අවුලක් නෑ හොඳ වෙලාව
තුවාල නෑ සිදුවූයේ
ඒ වුණාට කලිසම නම්
දෙකටම පැළිලයි තිබුණේ
තුවාල නෑ සිදුවූයේ
ඒ වුණාට කලිසම නම්
දෙකටම පැළිලයි තිබුණේ
ඒ සිද්ධිය නිසා එදින
පොළව පලන් යන්න හිතුණේ
බිමටම වැටෙනව කලිසම
බෙල්ට් එක නැත්තං තිබුණේ
පොළව පලන් යන්න හිතුණේ
බිමටම වැටෙනව කලිසම
බෙල්ට් එක නැත්තං තිබුණේ
වටේ එවුන් හිනා වෙනවා බඩ අල්ලා ගෙන
කැමරා එළි පත්තු වෙනවා පොටෝ ගසන්නට
පාරේ යන්නේ කොහොමද දැන් ඇඳුම් ඉරා ගෙන
එදා මිනිහා ගෙදර ගියේ කමිසෙන් වහගෙන
කැමරා එළි පත්තු වෙනවා පොටෝ ගසන්නට
පාරේ යන්නේ කොහොමද දැන් ඇඳුම් ඉරා ගෙන
එදා මිනිහා ගෙදර ගියේ කමිසෙන් වහගෙන
